मुंबई : महाराष्ट्र शासनाने अयोध्येतील रामलल्लाच्या प्रतीष्ठापना सोहळ्यानिमित्त सोमवार, २२ जानेवारी रोजी सार्वजनिक सुट्टी जाहीर केली आहे. त्यामुळे मुंबई विद्यापीठाच्या सोमवार, २२ जानेवारी रोजी होणाऱ्या एकूण १४ परीक्षा पुढे ढकलण्यात आल्या आहे. आता या परीक्षा बुधवार, ३१ जानेवारी रोजी घेण्याचा निर्णय परीक्षा व मूल्यमापन मंडळाने घेतला आहे. याबाबतचे परिपत्रकही विद्यापीठाने जारी केले आहे.
मुंबई विद्यापीठाच्या सकाळच्या सत्रातील बी.कॉम. सत्र ५ , एम.ए. पब्लिक पॉलिसी सत्र ३, एम.ए. राज्यशास्त्र सत्र १, एम.एस्सी. रिसर्च सत्र १ या चार परीक्षा आहेत. तर दुपारच्या सत्रात बी.एम.एस. – एम.बी.ए. ( ५ वर्षीय एकत्रित अभ्यासक्रम) सत्र १, तृतीय वर्ष बी.ए. सत्र ५, प्रथम वर्ष एल.एल.बी. – जन. एल.एल.बी. ( ३ वर्षीय अभ्यासक्रम ) सत्र १, प्रथम वर्ष एल.एल.बी. – बीएलएस (५ वर्षीय अभ्यासक्रम) सत्र १, एल.एल.बी. ( ३ वर्षीय अभ्यासक्रम, ७५ : २५) सत्र १, बी.ए. एल.एल.बी. ( ५ वर्षीय एकत्रित अभ्यासक्रम, ७५ : २५) सत्र १, प्रथम वर्ष एल.एल.बी. – जन. एल.एल.बी. (३ वर्षीय अभ्यासक्रम, ६० : ४० ) सत्र १, प्रथम वर्ष एल.एल.बी. – बीएलएस (५ वर्षीय अभ्यासक्रम, ६० : ४०) सत्र १, एम.एस.डब्ल्यू. सत्र ३, एम.एस्सी. रिसर्च सत्र ३ या १० परीक्षा आहेत. सोमवार २२, जानेवारी रोजी होणाऱ्या या सर्व १४ परीक्षा आता सुधारित तारखेनुसार बुधवार, ३१ जानेवारी रोजी होणार आहेत.मुंबई विद्यापीठाची दूर व मुक्त अध्ययन संस्था म्हणजेच ‘आयडॉल’च्या तीन परीक्षाही पुढे ढकलण्याचा निर्णय घेण्यात आला. ‘आयडॉल’ची सोमवार, २२ जानेवारी रोजी होणारी प्रथम वर्ष बी.ए. सत्र १ आणि प्रथम वर्ष बी.कॉम. सत्र १ ची परीक्षा मंगळवार, ६ फेब्रुवारी रोजी होईल. तर एम.एम.एस सत्र २ ची परीक्षा ही गुरुवार, १ फेब्रुवारी रोजी घेण्यात येईल, असे ‘आयडॉल’कडून स्पष्ट करण्यात आले.
.jpg)
