राज्यात महिला अत्याचाराच्या घटना रोजच समोर येत येतात मात्र कळंब तालुक्यात काळजाचे पाणी आणि मन सुन्न करणारी घटना घडली आहे.एका १४ वर्षीय अल्पवयीन मुलीवर ५ जणांनी वेगवेगळ्या ठिकाणी नेऊन अत्याचार केल्याची माहिती मिळाली आहे.
याबाबत सविस्तर माहिती अशी की कळंब तालुक्यातील इयत्ता ७ वीमध्ये शिकणारी १४ वर्षीय मुलगी सतत उलट्या करत होती म्हणून तिच्या घरच्यांनी तिला कळंब येथील शासकिय रुग्णालयात उपचारासाठी दाखल केले. मुलीच्या तपासणी केल्यानंतर डॉक्टरांनी दिलेल्या अहवालात सदरील मुलगी ही दीड महिन्याची गर्भवती समजल्यानंतर ऊसतोड आई वडिलांच्या पायाखालची जमीनच सरकली.
आई-वडिलांनी विश्वासात घेऊन विचारले असता तिने सांगितले की एके दिवशी दुपारी मी आजीचा डबा घेवून शेताकडे जात असताना पाठी मागून येऊन १६ वर्षीय मुलाने जबरदस्तीने ज्वारीच्या शेतात नेत अत्याचार केला. नंतर एके दिवशी दुसऱ्या २० वर्षीय मुलाने घरी एकटी असताना अत्याचार केला. नंतर तिसऱ्या २४ वर्षीय मुलाने घरी काम आहे असे सांगून घरी बोलावले व अत्याचार केला. चौथ्या २१ वर्षीय मुलाने पीडित मुलगी घरी एकटी असल्याचा फायदा घेऊन जबरदस्तीने अत्याचार केला. पाचव्या २२ वर्षीय मुलाने सदर पीडित मुलगी घरी एकटी असल्याचा गैरफायदा घेऊन अत्याचार केला.
या पाचही मुलांनी पीडित मुलीवर वेगवेगळ्या ठिकाणी व वेगवेगळ्या वेळी अत्याचार करून ही गोष्ट जर कोणाला सांगितली तर तुझ्या आई-बापासह तुला व तुझ्या भावाला खल्लास करू अशी धमकी दिली.
मुलीच्या तक्रारीवरून शिराढोण पोलीस स्टेशन मध्ये भारतीय दंड संहिता कलम- 376, (2)(I), 376, (2) (n), 376 ( 2) (j), 506, सह पोक्सो कलम 4, 8, 12 अंतर्गत गुन्हा नोंदवला आहे.पोलिसांनी ४ आरोपींना अटक केली असून १ आरोपी अल्पवयीन असल्यामुळे त्याची चौकशी सुरू आहे. या प्रकरणाचा तपास पिंक पथकचे पीएसआय गंगाधर पुजरवाड हे करत आहेत.
