सतीश कोळी,खुलताबाद शहर प्रतिनिधी
दि.११ मे २०२३
राष्र्टीय निवृत्तिवेतन प्रणाली व जुनी निवृत्ति वेतन योजना यांचा तुलनात्मक अभ्यास करण्यासाठी शासन गठीत समितीसोबत दि.९ मे रोजी बैठकीची दुसरी फेरी मंत्रालय येथे पार पडली, सदर बेठकीत समन्वय समितीच्या वतीने सुयोग्य असा प्रस्ताव समितीस सादर करण्यात आला. समिती निमंत्रक श्री विश्वास काटकर यांनी याप्रसंगी यथोचीत समर्पकरित्या प्रस्तावाबाबत समिती सदस्यांना विस्तृत माहिती दिली. समिती अध्यक्ष मा.सुबोधकुमार (सेवानिवृत भा.प्र.से.) यांनी दृकश्राव्य (online) पध्दतीने अमेरिका येथून सहभाग घेतला हे विशेष.
दि.१४ मार्च ते २० मार्च २०२३ या सात दिवसांच्या कालावधीत जूनी पेन्शन मिळालीच पाहीजे या प्रमुख मागणी करीता १९७६/७७ सालच्या बेमूदत संपानंतर पंचेचाळीस वर्षांनंतर झालेल्या अभूतपुर्व बेमूदत संप आंदोलनाच्या पार्श्वभूमीवर झालेल्या चर्चेत "जून्या योजने प्रमाणेच अर्थिक व सामाजिक सुरक्षिततेची हमी देण्याचे धोरण तत्व म्हणून लेखी मान्यता दिल्यानंतरच बेमुदत संप आंदोलन स्थगित करण्यात आले होते. या पार्श्वभूमीवर गठीत समितीसोबत बैठकीची दुसरी फेरी दि. ९ मे रोजी मंत्रालय येथे संपन्न झाली. बेठकीत समन्वय समितीच्या वतीने शासनाच्या वतीने प्रसिध्द झालेल्या मागील १९ वर्षांच्या अर्थसंकल्पातील जमा खर्चाची तौलनिक मांडणी करुन प्रस्ताव शासन गठित समितीस सादर केला. २००५ नंतर नियुक्त कर्मचा-यांना मिळणार असलेले कर्मचा-यांना अपेक्षित निवृतीवेतन किती तुटपूंजे असेल याचेही उदाहरणासहित सादरीकरण केले आहे. मागील १९ वर्षांमध्ये राज्यावर मोठी आर्थिक, नैसर्गिक संकटे आली, परंतू तरीही राज्याची आर्थिक घडी विसकटली नाही. वेतन आणि निवृतीवेतनावरील खर्च महसुली उत्पनाच्या फारच मर्यादेत आहे हे देखील सप्रमाण दाखवून दिले आहे. मा.विश्वास काटकर यांनी समन्वय समितीच्या वतीने बाजू मांडताना शासनाने दिलेल्या लेखी आश्वासनाची आठवण करुन त्यानुसारच जूनी पेन्शन योजना शासनास देणे कसे शक्य आहे याची तपशीलवार माहिती देताना विनाअंशदान जून्या निवृती वेतनासमानच निवृत्त वेतनाचा आग्रह धरला.
बैठक एक/सव्वा तास संपन्न झाली, समन्वय समितीच्या सुकाणू समिती सदस्यांसह इतरही संघटना सदस्यांनी सभेत उत्साहाने सहभाग घेतला.बैठकीत शासन गठित समितीच्या वतीने श्री सुधीरकुमार श्रीवास्तव, के.पी.बक्षी व वैभव राजेघाटगे यांनी, समन्वय समितीच्या वतीने विश्वास काटकर,अशोक दगडे, महाराष्ट्र राज्य प्राथमिक शिक्षक समितीचे राज्याध्यक्ष विजय कोंबे, शिवाजी खांडेकर, संतोष पवार, भाऊसाहेब पठाण, उमेशचंद्र चिलबुले इत्यादींनी सहभाग घेतला.अशी माहिती शिक्षक समितीचे मराठवाडा विभागीय प्रसिध्दीप्रमुख सतीश कोळी यांनी कळविली आहे.
