विलास हाडस नाशिक जिल्हा प्रतिनिधी
आज दि.२०/०४/२०२३ रोजी नाशिक जिल्ह्यातील त्र्यंबकेश्वर तालुक्यातील तळवाडे या केंद्रात जिल्हा परिषद शाळा तळवाडे येथे गटशिक्षणाधिकारी श्री. मोठाभाऊ चव्हाण यांच्या मार्गदर्शनाखाली केंद्रस्तरीय शाळापूर्व तयारी प्रशिक्षण तळवाडे येथे उत्साहात घेण्यात आले. सदर प्रशिक्षणात तज्ञ मार्गदर्शक म्हणून श्री. योगेश पाटील व श्री. अनिल खैरनार यांनी मार्गदर्शन केले. शाळेच्या मुख्याध्यापक श्रीमती सुलभा पवार, केंद्रप्रमुख श्री. विलास हाडस यांनी शाळापूर्व तयारी मेळाव्याचे यश व अनुभव सांगून उत्साह वाढवला. तालुक्यातील साधनव्यक्ती प्रशिक्षणात उपस्थित होते.
सर्व शाळांचे मुख्याध्यापक,शिक्षक व सर्व अंगणवाडी सेविका यांची १०० % उपस्थिती होती. सदर प्रशिक्षणात सुरूवातीला शाळापूर्व तयारी निमित्त दिलेल्या सात निकषांवर आधारित नवीन पहिलीत प्रवेश घेणाऱ्या मुलांची शाळापूर्व तयारी कृतियुक्त सहभागातून कशी घ्यावी हे प्रत्यक्ष सादरीकरणातून सादर करण्यात आले व सर्व शाळांना शाळास्तरीय शाळापूर्व तयारी मेळावा घेण्याचे सुचित करण्यात आले. शेवटी चाकोरे शाळेचे शिक्षक श्री. धनंजय सरक सरांनी सर्वांचे आभार मानले.
